Бөлімше дәрігерлері

Бөлімшенің негізгі функциялары:

 1) Балаларға консультациялық, диагностикалық, емдік көмек, диспансерлеу және медициналық оңалту жүргізу;

2) Патронаждық қызметтің әмбебап-прогрессивті моделіне сәйкес жүкті әйелдерге, жаңа туған нәрестелерге және ерте жастағы балаларға патронаждар және белсенді түрде тексеруге бару;

3) профилактикалық егулердің мерзімдеріне сәйкес вакцинацияны жоспарлау, ұйымдастыру және жүргізу;

4) көрсетілімдер болған кезде балаларды бейінді мамандарға консультацияға жіберу;

5) жедел және созылмалы ауруларды анықтау, шұғыл және жоспарлы емдеу                іс-шараларын уақтылы жүргізу;

6) көрсетілімдер болған кезде балаларды тәулік бойы стационарға, күндізгі стационарға жіберу және үйде стационарды ұйымдастыру;

7) диспансерлік есепте тұрған созылмалы аурулары бар балаларды динамикалық бақылау, емдеу және сауықтыру;

8) қалпына келтіру емі және медициналық оңалту;

9) ерте жастағы балалардың туа біткен патологиясы мен психикалық-физикалық дамуының, көру және есту функцияларының бұзылуын анықтау үшін скринингтік тексерулер жүргізу;

10) мектепке дейінгі немесе мектеп мекемелеріне түсер алдында балаларды сауықтыруды ұйымдастыру;

11) ата-аналармен және отбасы мүшелерімен немесе олардың заңды өкілдерімен дұрыс тамақтану, балалар ауруларының профилактикасы және салауатты өмір салтын қалыптастыру мәселелері бойынша ақпараттық жұмыс жүргізу.

- Медициналық этика мен деонтологияны сақтау .

- Дәрігерлік құпияны сақтау («Халық денсаулығы және денсаулық сақтау жүйесі туралы» Қазақстан Республикасы Кодексінің 95-бабы).